O programa configura unha oferta cultural e de ocio educativo para a mocidade e adolescencia (entre os 8 e 35 anos). Rapazas e rapaces teñen a oportunidade de realizar actividades ao aire libre, a través das cales se favorece o seu desenvolvemento persoal con valores positivos de inclusión, respecto, creatividade, hixiene, esforzo e igualdade.

Ponteverán

Concellaría de xuventude

Que debes saber?

A QUEN VAI DIRIXIDO

Preferentemente á mocidade do municipio de Pontevedra. No caso de non se cubriren as prazas, optarán persoas doutros concellos (terán preferencia os concellos limítrofes) e doutras idades a través das correspondentes listaxes de agarda.

ACTIVIDADES DE BALDE

Todas as actividades son GRATUÍTAS polo que pedimos o voso compromiso coa asistencia.

ADXUDICACIÓN DE PRAZAS

SOLICITUDES: para cada actividade a través do formulario en liña da web Click ! a partir do 3 de xuño

Cando se esgote o número máximo de solicitudes por actividade, o formulario pecharase e avisarase ás persoas admitidas para que formalicen a inscrición coa achega da documentación necesaria, ou para o sorteo de prazas ( no caso de ser necesario). Posteriormente xestionarase a lista de agarda de cada actividade coas prazas asignadas que vaian quedando vacantes.

CAMPAMENTO URBANO “PROCURANDO O TESOURO: RELIQUIAS BOTÁNICAS”

Coñece as especies de árbores da nosa contorna e a súa importancia ecolóxica. Camiñadas e actividades fotográficas e plásticas.

CAMPAMENTO ECOSOCIAL

Unha oportunidade para vivenciar a natureza e as persoas como centro da vida. Actividades no medio natural, de alimentación consciente e de educación para a igualdade e bo trato, farán que sexa unha experiencia divertida e significativa.

MINICAMPAMENTO “REGRESO Á PREHISTORIA”

Programación didáctica de lecer na natureza con pernocta. Serán tres días de estancia nunha contorna natural onde gozar dunha experiencia de inmersión o máis fidedigna posible aos modos de vida da prehistoria

CAMPAMENTO URBANO “XOGANDO COA MÚSICA”

OBRADOIRO DE INSTRUMENTOS HUMILDES

Consistirá na elaboración de instrumentos musicais (cantagalos, frautas de cana, turutas, subiotes de amieiro, carrizos, etc.) a partir de materiais vexetais existentes nas ribeiras do río dos Gafos.

OBRADOIRO DE COCIÑA

Ven cociñar e compartir coa elaboración sinxela de receitas moi prácticas para o teu día a día.

OBRADOIRO MUSICAL “A FÁBRICA DE SINGLES”

Factoría musical de creación e lanzamento de artistas musicais, ao puro estilo dun “Motown” revisitado do s. XXI, incluíndo as redes sociais e co protagonismo dos videoclips ao estilo MTV.

OBRADOIRO “TEATREIRXS: MONTA A TÚA PROPIA COMPAÑÍA DE TEATRO”

Interpretar, crear, xogar, improvisar, imaxinar e expresar dende o teatro.

DENDROCRONOLOXÍA: AS HISTORIAS QUE CONTAN OS ANEIS DAS ÁRBORES

Achegamento ao mundo da dendrocronoloxía, disciplina que permite extraer información dos aneis de crecemento das árbores, o que permite facer estudos da dinámica forestal e climática.

CURSO DE INICIACIÓN AO PIRAGÜISMO EN PONTE SAMPAIO

Achegamento a esta actividade deportiva e recreativa onde aprenderedes a técnica elemental por medio de xogos, natación e nocións teóricas de seguridade.

EXCURSIÓN AO PARQUE ACUÁTICO DE INCHABLES FORNELOS WAKE CLUB

Inchables acuáticos, paddle surf, caiac, pedaletas, bautismo wake, ruta de orientación polo río e procura do tesouro pola terra.

RUTA EN CAIAC E SUP POLO LÉREZ

Achegamento a esta actividade deportiva e recreativa onde aprenderedes a técnica elemental por medio de xogos, natación e nocións teóricas de seguridade.

OBSERVACIÓN ASTRONÓMICA NO OBSERVATORIO DE COTOBADE

Veremos obxectos do ceo profundo a través do telescopio da cúpula do Observatorio, así como doutros que instalaremos no exterior para gozar do ceo a simple vista e tamén das Perseidas.

XORNADA DE ORIENTACIÓN URBANA NO CENTRO HISTÓRICO

Consiste nunha primeira parte teórica sobre os coñecementos básicos do material e seguridade, para logo saír á rúa e poñer en práctica todo o aprendido.

OBSERVACIÓN ASTRONÓMICA NO MIRADOIRO DO VERDUGO

Orientarémonos no ceo con telescopios e prismáticos dende un lugar con pouca contaminación lumínica para gozar da lúa, os meteoros das Perseidas , dun esplendoroso Saturno e doutros obxectos celestes.

CELEBRACIÓN DA NOITE EUROPEA DOS MORCEGOS

Máis un ano compartiremos esta xornada cunha especialista no estudo destes mamíferos tan misteriosos. Desmitificaremos falsas lendas que se lles atribúen e escoitarémolos por medio de aparatos de ultrasón.